Promising nga ba?

**I've been importing in this blog all of my previous posts from my old blogs. I want to merge everything because I felt there is a sense of security in doing so. **This page right here was actually a blog post from my late blog, “ROAD TO KILL”. The blog itself was deleted but I never deleted my writings. I love all of the masterpieces I made from the past, beautiful, ugly, good or bad writings will always be kept! And I just decided today (February 9, 2013) to publish again all of these masterpieces in one site! Dates are preserved by the way.

Promising naman ang result ng buong week kong status sa FB. Napapa-sambit ng 'shet' yung mag-oonline kase bungad ko agad ang PM na nagpupumilit. First time ko kase makisawsaw sa mga ganitong pangyayari.

Gusto ko ibahagi ang award na ito sa lahat ng mga bagong kakilala at bagong kaibigan ko sa blogsphere. Lalo na sa lahat ng kasapi sa United Pinoy Bloggers.  Kaya mag-papainom ako pag-uwi ko. Chos.

Bagong blog na nga ito, hindi na ito ang dating kamilkshake. Dahil mas madami na akong kakilala ngayon. Ang TABA 2010 ay nagbigay daan para may mas makilala pa akong ibang tao bukod sa sarili ko.

Born-again. Para akong pinanganak muli ng dahil sa inyo. Ang sarap makisalamuha sa lahat ng katotoy at kaneneng na Pinoy, sagigilid ka man o hindi. Ang sarap makisalamuha sa mga tao at magsalo-salo sa iisang uhaw ng pagsusulat at pagbblog. Nagsisisi ako bakit ngayon ko lang kayo nakilala.

***

Tatanggapin ko na sana na talo ako dahil nagkatrabaho nga ako sa malayong lugar (na nauwi sa joke). Di ko naman inaasahan na may makikipagpatayan pala para ipanalo ako. 

Isa na dun ang desperada kong Nanay. Hindi ko alam bakit tuwang tuwa naman siya, kala niya siguro sa Grammy ako na-nominate. Sunod na dun ang biological at gwapo kong kuya, Kuya Jeg, na ayon sa balita ay hindi natulog buong araw, galing pa sa night shift, mapagmahal masyado. Sa mga klasmeyt ko nung highschool at lalong lalo na mga klasmeyt ko nitong college, salamat mga kapatid! Hindi ko na kayo iisa-isahin pa or should I?

Nagmakaawa din ako sa nobyo ko na sana naman maki-isa din siya sa pag-hakot ng boto, pero di niya nagawa. Di ko naman siya masisisi. Kasabay ng solid na pag-announce ni Zyra sa mga nanalo ay ang balitang pumanaw naman ang Lolo ng nobyo ko, kaya kalahating masaya at kalahating malungkot ako nung araw na yun. Pero salamat pa rin sa kanya na uber support naman para sa akin.

At hindi ako magpapahuli na magpasalamat sa lahat ng nag-nominate sa kin, lalong lalo na sa pinaka-pasimuno na nag-nominate sa kin!!!! Si Kuya LHAN! Salamat kuya! Kundi dahil sayo wala sa akin ang award na ito!

Congratulation din sa lahat ng nanalo! Ang happiness! Kase may iilan din akong ni-nominate na nag-boom boom!!

At hindi naman pwedeng hindi magpasalamat sa babaeng siyang nag-effort buoin (buoin??) ang pangyayaring ito!! Salamat ng maigi Mrs. Bambico!

Ayun lamang. Sorry hindi talaga punctual kahit kailan si ako. Late na late na!