Susi Sa Puso Mo.

**I've been importing in this blog all of my previous posts from my old blogs. I want to merge everything because I felt there is a sense of security in doing so. **This page right here was actually a blog post from my late blog, “ROAD TO KILL”. The blog itself was deleted but I never deleted my writings. I love all of the masterpieces I made from the past, beautiful, ugly, good or bad writings will always be kept! And I just decided today (February 9, 2013) to publish again all of these masterpieces in one site! Dates are preserved by the way.

Episode 1 | Episode 2 | Episode 3 | Episode 4 

Episode 5 | Episode 6 | Episode 7 | Episode 8 | Ending Episode

Swabeng-swabe akong pumarada sa parking lot sa sea side sa likod ng MOA. Kahit may bayad na P30.00 okay lang kase nasanay na ko pumarada sa mataong lugar at may mga guard na nagbabantay. Alam ko gwapo ako at magaling na driver, pero may katangahan din. Makakalimutin ako at kung kilala mo ko, malamang alam na alam mo na 'to. Ito na ang pinaka-malala kong sakit sa buong universe, pangalawa na dun ang pagiging late.

Pagkasara ko ng pinto, "SHET!" Naaninag ko ang pagtama sa araw nung keychain na bakal nung susi ko, hugis surf board, na nasa-loob pa rin ng sasakyan. Yahoo!! Naka-lock na ang kotse at nasa loob ang susi. Ito na yata ang pinaka-nakakaiyak-tawa na pangyayari sa buhay ko.

Panandaliang nanlaki ang mata ko at agad kong naisip na sirain ko na lang kaya ang pinto ng kakarag-karag kong Honda. Nagpapanic ako, napapakamot, sabay tingin sa malayo, baka sakaling sa sahig may makita akong magic panungkit. "Pak naman, late na koooo!" Halo-halong kabadtripan ang gumuguhit sa pagmumukha ko.

"Serr ano? Naiwan niyo susi sa loob?" Usisa ng isang guard na naka-duty sa parking lot.
Bahagya akong napangiting aso, "Oo eh."
Tatanong ko na sana paano niya nalaman, pero kusa na siyang sumagot. Psychic yata si kuya.
"Madalas mangyari dito yan Serr, pumunta na lang kayo sa Mr.Kwiki, may marunong dun kumuha ng susi sa loob ng kotse."

"Ah..sige salamat kuya" Sa isip isip ko, madalas? At paano niya naman kukunin sa loob? May lahi bang carnapper yun? San nga ba Mr.Kwiki dito?
Para akong si Speedy Gonzales na nakarating sa Mr.Kwiki dahil pamilyar na ko sa pasikot-sikot ng lugar. Agad kong nilapitan yung mamang mukhang inaantok sa counter.

"Excuse me po, kase na-lock ko yung kotse ko at nasa loo.."
"Dan!! May customer ka na naman!!!" Galit? Bastos ni Manong, di man lang ako patapusin magsalita.
Sabay sumagot ng mahinahon ang tinawag, "Jan na!"

At doon ko siya muling nakita.