Pangpalamig.

Overload na naman ang aking happiness hindi lang dahil sa mga outing na naganap lately, kundi dahil sa mga inspirasyon na nakukuha ko sa pagbasa sa mga blog niyo! Tungkol sa paghahanap sa nag-iisang bestfriend mo sa buhay, tungkol sa pagpapahinga muna mula sa nakakapagod na cycle ng love, tungkol kay nanay, tungkol sa puno, tungkol sa pustahan, o di kaya sa crush (na grabe habang hinahanap slash iniimbestigahan ko talaga sinasabi ko sa utak ko 'patay ka sa kin wuaaahahahaha'). Tapos tungkol sa inuman, at sa baby (at naiinggit ako.. gusto ko na din ng baby! Char!!). At naisip ko talaga, gusto ko din magsulat tungkol sa mga bagay na yun. At sana hindi niyo ko masabihang gaya-gaya kapag ginawa ko yun.

Bago ako magpatuloy sa aking kwento, nais ko munang batiin niyo ng maligayang bati ang aking nag-iisang ama sa mundo. Birthday niya nung March 14, pero dahil wala akong extra load, at hindi rin ako online nung March 14, at nasa Tagaytay ako, hindi ko siya nabati agad.

Mahal na mahal ko Dadi ko, kase malamang tatay ko siya. Patay na patay din sa kin yang tatay ko, dahil alam niyo na, nag-iisang babaeng anak. Lol. Kahit na maraming kalokohan yang si senyor eh mahal ko pa rin yan. Hindi ko nga lang maalala kung ilang taon na si senyor, titingnan ko na lang ulit sa birth certificate ko. So, pabati na lang! At least may masasabi na kayo sa comment kapag di kayo nakarelate sa mga susunod kong kwento.

Anyway, pangpalamig, ikkwento ko na sa inyo ang mga pasarap buhay na ginawa ko nitong weekends. Okay lang mag-skip read, inaamin kong napakahaba din ng post na ito. Alam kong alam niyo na wala akong work ngayon. Buong weekdays akong nakatambay sa bahay, walang ginagawa, 24/7 naka internet. At natataranta talaga ako kase kapag weekend, sabay sabay din ang aya ng gala kase nga syempre walang pasok, at madalas sobrang exhausted at di ko alam sino sasamahan ko. Ang saya ko dahil sa wakas magsswimming na ko, dahil super badtrip na talaga yung init!

Buti na lang, kahit umalis na ako sa work eh ang mabait kong coach ay sinama pa rin ako sa outing nila! Most improved team kase ang TEAM CHAD, kaya ayun nanalo kame este sila sa package to Keni Po in Tagaytay. Thank you din ako sa mga taong ito na puyat from work ngunit naghintay pa rin sa pagdating sa late na si ako. Umiiyak na nga ako habang bitbit ang spaghetti na dala ko dahil walang taxi na masakyan nung araw na etech. Na-miss ko ang mga toh at congrats kase halos lahat sila certified na!!

At bago kame nagpatuloy sa Keni Po, ay dumaan muna kame sa Picnic Grove para kainin ang mga baon namin. Hindi ko alam kung nagjojoke sila, pero masarap daw ang aking spaghetti. Nakanaks! Tapos di naman ako aatras sa Zipline na first time kong masusubukan! Super sarap pero syempre super nakakaputol din ng litid, kakasigaw! Gusto ko toh i-try kasama si Mayk! Tapos after nito, dumerecho na kame sa Keni Po na malapit lang din sa Picnic Grove.

Grabe, super ganda sa Keni Po. Mga 1pm kame nag-lodge in, at 24 hours ang stay namin dito. Maliit lang ang pool sa Keni Po pero para sa kin okay na yun kase mas maganda ang bonding kapag maliit lang yung pool. Hindi kanya-kanya ng buhay. Super accomodating ng lugar. Two houses ang occupied namin, up and down pareho. Each houses may sariling banyo, ref, at dalawang tv (isa sa baba, isa sa taas). Super ganda din ng banyo, pwede ka na tumira dun. Joke lang. Maganda din ang ambiance ng lugar at ang sarap mag-pictorial. Hindi ko nga lang alam magkano nagastos namin kase nga libre nga ito ng company.

Sa sobrang enjoy ko with Team Chad, grabe halos di ako malasing lasing sa mga ininom namin nung gabi. Ang kukulit pa rin as ever ng team. Lol. I mean, ang sarap pa ulit-ulitin nito. Sayang at hindi na ako nagwowork at sayang aalis na din ako ng Pinas, baka hindi ko na sila ulit makasama ulit ng ganito.

At pagkauwi na pagkauwi ko mula sa aming Tagaytay trip eh dumerecho naman ako kasama ang family ni Mayk sa Pansol, Laguna. Kasama din namin ang mga ka-work ng Mama ni Mayk kaya ayos na ayos din ang lakad.

Masaya ako kapag ka-bonding ko ang family ni Mayk at masaya ako na close ako sa kanila. Manugang na nga tawag sa kin ng Mama ni Mayk eh. Masaya kase yung iba nga hirap na hirap makisama sa mga mother-in-law nila di ba? Kaya blessed talaga ako. Kasama din namin yung dalawa naming baby, si Moby at si Peebee na hindi namin masyado pinalangoy kase ayaw ko kase may garapata sila. Pero hindi naman sa kadiri na way ah. Konti lang ang garapata nila. Nung pina-groom kase namin sila, nagkaroon na naman., kaya lesson learned, hindi na kame magpapagroom kung saan saan lang. Tapos tinuruan namin si Robie at si Chikboy (yung dalawang mas batang kapatid ni Mayk) na magswimming. Natuto naman yung dalawa kahit papaano.

Medjo nadidissapoint na rin ako ng mga pool sa Pansol, kase yung iba parang ang luluma na, hindi na inaayos ng mga may-ari. Siguro dahil yung huling pinuntahan ko din ay sobrang over ganda, kaya di ako na-satissfied sa napuntahan namin sunod. Itong napuntahan namin wala pang ref, eh usually mga napupuntahan ko sa pansol may ref yung place, kasama na dun babayaran, pati yung gas nung stove kasama na din. Pero pwede na rin pag-tsagaan ang place kahit papaano at nag-enjoy naman kame at ang mga ka-work ng mama ni Mayk, kaya okay na din. Nag-enjoy din ang dalawang doggie dahil nakakatakbo sila kung saan saan dun sa resort. Tsaka parang naisip ko sana makabili din ako ng lupa na pwedeng gawing resort, magandang pag-puhunan yung mga ganito, or kapag may outing or party kasama ang family and friends, pwede mo ring gamitin.

Ayan, nag-iistart pa lang naman ang summer ko, at napakasaya ng weekend ko.. super blessed kahit super daming pagod din. Sana masaya din kayo lately!! (:

**********