Isa akong Katoliko. Bukas ako sa pag-attend sa iba't ibang simbahan at relihiyon kase nga naniniwala ako na hindi naman relihiyon mo ang mag-sasave sayo, kundi ang FAITH mo kay God. Eh ilan sa mga besfren ko (si Abi at si Rhea) ang hindi katoliko, at hindi naman nila ako nakakalimutang ayain kapag may salo-salo sa simbahan nila.
Nirerespeto ko pa rin ang pagiging Katoliko ko kahit na alam ko na madami sa amin ay mga bulag at nawawala pa rin sa tamang landas. Alam ko, madami pa rin sa amin ang bingi sa mabuting balita kahit na pina-paulit-ulit namin kada Linggo ang kantang, "Kordero ng Diyos na nag-aalis ng kasalanan ng sanlibutan.."
Nung nagsimula ako dumaldal sa isa sa mga kaibigan ko patungkol dito, natawa talaga ako, kase ang unang tanong niya, "Ano yan Kamil? Nagpalit ka na ng religion? Hindi ka na katoliko?" Ang hirap pala talaga mag-sharing pag-patungkol dito, mahirap ipaliwanag, para itong kalawakan na sa sobrang lawak ng concepto, kailangan mo ng tamang visual aids para mapahayag ng mabuti.
Siguro iniisip mo, parang di bagay sa kin mag-ganito. Pero naisip ko, hindi naman. Nangako talaga ako sa kanya na ipagkakalandakan ko siya sa mundo. Inaamin ko ang dami kong flaws, makasalanan ako. Pero ikaw rin naman na nagbabasa, panigurado.
Inaamin ko, I'm a sinner, oo, dahil tao ako. Ikaw din makasalanan ka, lahat tayo. Kahit na aware kang mabait ka at mataas ang grade mo sa subject na Religion, makasalanan ka pa rin!! Ano ba susunod dito? Pag alam mo na at aware ka na makasalanan ka nga? Tatanggapin mo?
Wait, aware ka ba na ang tanging payment lang sa kasalanan ay KAMATAYAN? Oo, pramis! Ito ah, hindi ko talaga alam sang verse sa Bible hahanapin ang FACT na ito. Oo, ito ay factual! Walang halong fiction. Hindi rin ito fairy tale.
So, okay, sayonara na ba? Kamatayan daw eh, eh lahat tayo makasalanan, eh di lahat tayo kailangan mamatay. Hmmm.. Hindi. Kantahin mo ulit, "Kordero ng Diyos na nag-aalis ng kasalanan ng sanlibutan..." Ayan ang sagot.
Paano? Paano inalis yung kasalanan? Anong eraser ginamit? Tingin mo? Paano naligtas?
Sabi, KAMATAYAN lang ang kabayaran. Ayun, kaya si Hesus, pinako sa Krus, namatay. *poof!* Ligtas ka na. Ngayon kung tingin mo kabilang ka sa sanlibutan, wag ka na magdalawang isip, kasali ka dito, ligtas ka na!
Ito panigurado yung magiging mahirap dito, ang pananampalataya mo sa mga salitang toh (lalo na na parang di pa ako kapani-paniwala ~pero seryoso ako). FAITH.
Ako, ilang beses ko narinig toh bago ko talaga fully na-gets, medjo slow kase ako. Pero nitong huli nung narinig ko ulit toh, bigla akong napaisip na.. "Ah.. kaya pala tinawag siyang mabuting balita.. kase nga naman MABUTING BALITA naman talaga ito...!!!"
Di ba? OO, may langit at may lupa, at may impyerno. Nakakatakot, syempre, ayaw mo mapunta dun sa mainit na mainit na parte ng mundo. Pero, ano ito? Hindi na ako mapupunta dun, kase I have faith. Good news ito! Dahil mapupunta ako sa langit dahil sa FAITH ko that GOD is my savior. Ikaw? Di ka ba masaya?
Don't just open your ears to it, learn to listen.
Note: I'm open sa lahat ng opinion niyo patungkol dito, may respeto pa rin ako sa lahat ng relihiyon, kahit na ano pang relihiyon pa yan..pasintabi na lang. Kung may pagkakamali man ako sa mga nasambit ko, pwede i-comment niyo na lang. Salamat. :)
sabi nga ng pastor namin one sunday eh, matagal na tayong iniligtas ng Diyos sa kasalanan, ang kailangan na lang nating gawin eh paniwalaan ito at lakaran ang salita Niya. wala rin kasing sense kung naniniwala ka nga na inalis na nya ang kasalanan mo pero araw araw eh gumagawa ka pa rin ng kasalanan.
ReplyDeletemedyo malabo yung sinabi ko di kasi ako magaling magexplain basta yun na yun hehehe