Mainit kase..

Nung isang araw, nag-jeep ako papuntang Morayta. Maya-maya, sa kainitan ng byahe, napalingon na lang ako sa driver na kasalukuyan nang nagmumura. Hindi ko pa gets kung ano talaga pinuputak ng budhi niya. Pero nung nakita ko yung truck na nakaharang sa jeep na sinasakyan ko at ang katangahang pag-overtake ng driver ng truck na ito sa maliit na daan o daluyan ng trapiko na yun, na-gets ko na.


Siguro sa tanang buhay mo, imposibleh na hindi ka pa naka-encounter ng mamang tsuper na badtrip sa byahe. Bakit kailangan magmurahan sa ganoong kaliit na bagay. Masasayang ba yung gas niya pag naghintay siya konti para makadaan na yung truck na nag-overtake? Eh halos mga jeep nga ngayon, pag walang sakay, bawat kanto tinitigilan eh para makahakot lang ng pasahero.


Kalye natin, hindi sa panlalait, pero ang katotohanan ng nakikita ko, madalas puro taeng madudumi. Mga taong gusto mandugas ng ibang tao, mga taong nag-uunahan, mga taong handang umapak ng ibang tao para makatungtong sa taas. Hindi mo na masisisi ang katabi mong naglalakad kung bigla niyang hawakan ng mahigpit yung dala niyang bag, kahit na naka-business attire ka pa, wala na kase mapagkatiwalaan ngayon. Ay.. tae ba nasambit ko sa unang linya ng paragraph na toh.. hayaan mo na, wala namang kinaibahan.

Kanina lang nabadtrip na naman ako sa isang pulubi, PAANO, pag-hindi mo binigyan, sisigawan ka pa ng "TABA mo P.I.! Ka!" Dalawang beses na nangyari sa kin yun, kaya never na talaga ako magbibigay, hindi rin naman talaga nakakatulong ang mga pa-piso-piso ng sino man, lalo lang sila magiging pulubi forever.


Ano bang problema talaga? Bakit ganun? Laging naghahanap ang tao ng pag-unlad pero me mga sarili nga hindi mapaunlad. Gusto nakabukaka lang maghapon sa bahay naghihintay ng grasya. Siesta, break time, sana walang pasok.. yung mga ganun? Parang laging hayok na hayok magpahinga... sana may bagyo...sana may sona.. paano ba naman uunlad.. konting galaw..pahinga.. konting init.. konting ulan... siesta.. Laging naghahanap ng madaling paraan eh wala namang madaling paraan para umunlad kundi paghirapan.




**********