Their time & effort.

Kung may isang bagay na magbibigay saya sa bawat isa sa atin, sigurado hindi mawawala sa listahan natin ang mga kaibigan natin, plus yung mga weirdong bagay at trip na ginagawa natin kasama sila.

Lalo na ngayon, tumatanda na ko, ang hirap talaga kapag magpplano kasama ang mga tropa dahil nga pwedeng busy sila dahil pare-parehong nagpapalago ng career. Nasa age na kase ako kung kailan halos lahat eh tapos na sa pag-aaral at syempre focus at commitment naman sa work ang pinagkaka-busyhan ng halos lahat. Iba iba ang sched. Kaya naman masaya ako. Masaya ako kase kahit na ganun na mahirap magplano eh nagawa pa rin masiksik ng mga kaibigan ko ang oras para makipagkita man lang sa kin.

Pero bago ako magkwento tungkol dun, ito muna:

COSPLAY 2013

Bago ako gumora papuntang Baler nung kailan lang, ito muna ang ginora namin ni Mayk at ng kanyang mga kapatid. Cosplay sa Mega Mall na annual routine yata. Totoo lang, di naman ako mahilig sa ganito, hindi to the point na bibili ako ng ticket para makapasok sa mga trade hall nila para maki-chismis. Tama na sa akin na nag-eenjoy ang kame at ang mga kapatid ni Mayk na magpapicture sa mga paborito naming character.

SUNSHOTS

April 20, 2013. Umuwi kameng Laguna para lang matikman ang masarap na Bicol Express ng aming kaibigan na si Bultrag (yung guy sa gitna) at syempre para mag-inom na din. After ng mahaba-habang discussion with MJ, napapayag ko na din siya na magkita kame nung araw na ito. Although pakiramdam ko pa rin eh napilitan siya, eh okay lang. Sabi niya hindi ko daw siya naiintindihan, pero ang totoo, ayuko siyang intindihin talaga. Pero ngayon, sinusubukan ko na intindihin siya dahil ayuko na magtampo for the last minute. Masaya dahil ngayon na lang ako naging wasted kasama tong mga taong toh, lalo na si Mimay na mahal na mahal ako. Sayang nga at wala yung isa pa naming kaibigang nagkakayod sa London ngayon. Pero nasa puso naman daw namin siya. Lol.

Wensha

 April 29, 2013. Ang mapagmahal kong bestfriend eh nilibre ako sa Wensha Spa, sa Pasay.  First time namin sa place, at ang weird lang kase all out hubad sa mga facility nila. Gusto ko sana mag-review nung place, kaso nga lang parang wala na akong time. Siguro one day na lang pag wala na ulit ako magawa. Sobrang saya ko kasama si Abi. Nagulat ako at naapreciate ko lahat ng effort niya na makipagkita sa akin starting this Monday, hanggang kahapon Thursday. Dumadaan siya dito sa bahay after work para lang mag-bonding kame. Kaya naman, super thankful ako. Binigyan pa niya ko ng parting gift. Kung di niyo kase nalalaman, sobrang opposite kame ng bestfriend ko na toh. Masyado siyang mabait, ako naman.. sabi ko nga, kabaligtaran. All this time tanggap ko na mas ako ang patay na patay sa kanya bilang kaibigan, paano ba naman, halos lahat naman ng tao na nakikilala niya at nakakasalamuha, gusto siya maging kaibigan.

Pero nitong nakaraan, pinatunayan niya na hindi, pinatunayan niya na importante ako as same para sa kanya, at yun talaga ang naapreciate ko. Alam ko madami akong bestfriend, pero ang swerte ko dahil nga kay Abi, dahil nga alam ko ang feeling na meron kang nag-iisang kaibigan na makakaintindihan mo sa lahat ng bagay, na tatanggapin ka sa kahit sino ka pa man, at isang kaibigan na kahit hindi mo makita ng ilang taon eh di magbabago ang relationship niyo.

Coolitz

 April 30, 2013. Ito pa ang isang bunch ng mapagmahal na mga kaibigan. Kung medyo naaalala niyo pa yung mga TV chat nung unang panahon, yung may music video sa gitna tapos may nag-i-is-scroll na mga text message sa gilid, dun, sa ganung klaseng environment ko nakilala tong mga toh. Batang bata pa ako nung time na yun, at in chikiting. Pasaway kase ako eh. Mga 12-year-old yata nakikipagkita na ako sa mga toh sa mga EB. Naalala ko pa nga one time pumunta kame sa office nung TV chat na yun na formerly ang pangalan FUSE, tapos naging MORPH.

Ito talaga, ito talaga yung mga tao na kahit ilang libong taon mo hindi makasama eh parang walang pinagbago kapag nagkita-kita kayo. Close pa din at mapagmahal pa rin. Tapos nitong Tuesday, sa kalagitnaan ng busy na schedule din eh nasingit nila ang time para man lang makita ako. Kaya naman talaga... ang saya ko!

Miggy, Tin, Ako, Shine & Coach Chad.

May 1, 2013. Biglaan lang toh sobra, at hindi ko naman mapalagpas kase naman noh itong mga tao na toh, hindi ko deserve ang oras nila. Alam mo yung kahit hindi na ako nag-wowork kasama sila eh welcome pa rin ako na makasama sila. Sobrang, wala ako masabi. Tapos sobrang enjoy pa. Kahapon lang toh. Enjoy to the point na gusto ko umiyak at tumawa at the same time. Nag-vivideoke kase ako habang umiinom. Alam mo naman kase talaga kapag parang mag-eenjoy ka, tapos nasa mood ka uminom. Wala eh, sobrang enjoy eh, di ko na mawari ang enjoy kasama sila. Tsaka hindi ko din alam bakit itong mga taong toh eh sobrang sweet. Si Miggy, pagkahingi na pagkahingi ko dun sa origami na matagal ng nasa I.D. niya, binigay agad. Tapos si Tin at Shine mga sweet din sa kin, lalo na si Shine na nalasing at hindi ko expected na malalasing din siya ng ganun, akala ko nagjojoke lang siya. At lalo naman si Coach Chad na grabe, bago pa ko umalis sa work eh hindi ko na mawari ang kabaitan sa bituka. Nga pala, nalibre ako sa lakad na toh, at nahiya naman ako. Grrr.. Thank you talaga guys.

Me, Mommy Alice & AnnaB

Nga pala, sumunod din si AnnaB sa lakad kahapon, pero hindi na kame nakapagpicture dahil lowbat na ang aking camera. Pero let me tell you na lang ang meet-up namin na hindi ko naman nakwento last time.

April 5, 2013. Natuloy din ang hindi matuloy-tuloy na lakad naming tatlo with Mommy Alice. Ka-work ko din tong mga toh nung Team Chad pa ko. Nilibre kame ni AnnaB sa lakad na ito ng pizza and pasta sa Papa Johns. Hehehe. Si Mommy Alice ang isa sa mga cool na mommy na nakilala ko sa tanang buhay ko. Idol ko nga yan. Sana maging ganyan ako ka-cool pagtanda ko. hehehe. Si AnnaB naman, hindi ko inaasahan na magiging friends kame niyan. Hindi rin niya inaasahan sabi niya sa kin. Super naging close kame dahil lagi kame magkasabay sa PNR pag uwi galing work. Sobrang talino at sobrang mature ng taong toh.


So ayan. Ngayon alam niyo na bakit may topic ako tungkol sa kaibigan sa huli kong post. Ito ay dahil talagang busy ako makipagsiksikan ng time makipagkita sa mga kaibigan ko. Grabe, honestly, masasaid na talaga ang bulsa ko sa ginagawa kong toh, pero.. whatever.. hindi naman mapapalitan yung mga good times good spent with these good friends! (:

So ayun, chao.
**********