Mag-aapply sana akong Papa Jack

**I've been importing in this blog all of my previous posts from my old blogs. I want to merge everything because I felt there is a sense of security in doing so. **This page right here was actually a blog post from my late blog, “ROAD TO KILL”. The blog itself was deleted but I never deleted my writings. I love all of the masterpieces I made from the past, beautiful, ugly, good or bad writings will always be kept! And I just decided today (February 9, 2013) to publish again all of these masterpieces in one site! Dates are preserved by the way.

Bakit complicated umibig? Dahil ba demanding masyado ang mga babae? Dahil ba lagi na lang pasaway mga lalake? O baka naman parehong may problema sa utak ang dalawa?

May isa akong professor (na sana nawa ay hindi mapadaan sa blog ko) ang hanggang ngayon ay hindi pa nagkaka-boyfriend (o asawa yata dapat sabihin ko). Medjo may edad na kase siya eh. Halata naman na demanding itong babaeng prof ko na ito, at siguro yun na nga ang dahilan bakit hanggang ngayon wala pang supply ng ideal prince charming niya ang dumadating.

Mag-lilista ang babae, ay gusto ko ng matipuno, lalakeng rerespetuhin ako, lalakeng magbibigay ng bulaklak tuwing may okasyon, lalakeng sasapo sa mga kamay ko habang bumababa ng jeep, and the list go on and on and on. Ang demanding!

Hindi ko naman sinasabi na maging easy to get tayong mga kadalagahan. Siguro something in between lang. Masyado tayo naghahanap kase ng mga katangian na katulad ng mga leading man sa TV, kaya yung mismong unique na nakakakilig na pwedeng gawin ng mga lalake natin in reality di na natin nakikita.

Tapos minsan may mga inarte moment pa na hindi tayo pwede maging tayo kase magkaibigan tayo, hindi tayo pwede kase minahal mo lang ako dahil sa mga nagawa ko para sayo (katulad ng pagload ko sayo at pag gawa ng assignment mo), gusto ko mahalin mo ko sa kung sino ako! Tanging ako! Hanggang sa huli mong linya eh--- pagdating na lang ng panahon kapag nakapag-hintay ka pa!

Di ko talaga ma-carry out mga ganung pangyayari. Love should be simple, love should be comfortable. Hindi naman nakasulat sa Corinthians na dapat maging mala-koreanovela tema ng love life ng bawat isa sa atin. Ang sinabi lang dun:

Love is patient, love is kind. It does not envy, it does not boast, it is not proud. It does not dishonor others, it is not self-seeking, it is not easily angered, it keeps no record of wrongs. Love does not delight in evil but rejoices with the truth. It always protects, always trusts, always hopes, always perseveres.

At sige i-reflect mo na lang sa sarili mo ang mga nakasulat. Madali gawin yang mga yan sa imahinasyon natin, pero paano in real life? Pero kung magagawa mo yan sa relationship mo, ang bawat isang nakalista, congrats sayo!

Okay lang mag-hintay, pero ano nga ba hinihintay natin? Mali! Hindi ang PAG-IBIG ang hinihintay natin, kundi ang OPPROTUNITY na UMIBIG. At araw-araw dumadaan sa harap natin ang mga yan, kaso nga lang we decide na palagpasin kase hinihintay natin yung mismong bunga, yung isang magandang bunga, mapula at masarap. At wala namang such na bunga na katulad ng lucky me noodles na INSTANT, dadaan ka muna sa pag-papayabong ng magandang puno.

Kahit na sinagot mo na siya after 1 week ng panliligaw niya, kahit na magkasama na kayo for 5 months, kahit na kinasal na kayo at may sampung baby, hindi natatapos ang pagpapayabong mo sa puno na yun. Feeling ko  lagi kayong nasa getting to know stage, at feeling ko hindi natatapos ang stage na yun kahit sinabi mo na ang mahiwagang mga salitang i love you.

Magmahal ka, araw-araw. Magmahal ka ng sincere at totoo. Hindi mo kailangan baguhin sarili mo o baguhin ang iniibig mo para sa ikasasaya ng relation niyo, pero kailangan matuto ka paano magpakababa ng ego, paano intindihin ang kinatatayuan ng minamahal mo, kailangan mong intindihin na ang katotohanan ay hindi sayo umiikot ang mundo ng mahal mo at vice versa. May iba din siyang iniisip, at parte ka lang ng mga yun. Kaya wag ka demanding.

Chos lang lahat ng pinagsusulat ko. Wala kase ako maisip na isulat. Pero kung medjo nalinlang ko kayo na medjo may talent pala ako para mag-apply kay Papa Jack, at tingin niyo need niyo din ng konting advice kuno, mag iwan lang kayo dito sa forum na ito: DITO.