Sinuwerte daw sa pag-ibig.

Naniniwala ako na ang love hindi pinaplano, kundi dumadating na lang, sa tamang oras at sa tamang panahon. Pero posibleh nga kaya na makahanap ng true love? Kung pwede lang eh paano kaya?

Sana kapag nakahanap ka ng true love, sana siya yung taong kaya kang mahalin sa kahit sino ka man. Yung sasabihan kang maganda kahit bagong gising ka, at yung hahalikan ka kahit puro panis na laway ka.

Sana mahanap mo siya, yung taong magbibigay ng importansya sayo, ng halaga sa pagkatao mo. Yung klase ng tao na hindi mo kailangan magbago para mahalin ka. Yung sasabihan ka ng, "You are enough!"

Kung sino man siya, alam mong hindi niya kailangan bitbitin ang mundo para sayo para mapaligaya ka. Siguro sapat na na pinapahalagahan at nirerespeto ka niya. Hindi mahalaga kung hindi niya nabibili mga gusto mo. Okay na yung napapatawa ka niya na halos umiyak ka na at lumabas na ang sipon sa mga ilong mo. Okay na yung kapag napapakilig ka niya kase paulit-ulit niyang sinasabi ng walang ka-sawa-sawa na mahal na mahal ka niya. Aanhin mo nga naman kase ang feeling ka-gwapo, eh kung harap-harapan ka namang ginagago? Sinasaktan? At pinapaiyak? Sigurado ka ba na pipiliin mo yung lalake na hindi lang ikaw ang tinitingnan, hinahawakan at hinahalikan?

Sana makahanap ka ng taong magpapalakas ng loob mo sa mga panahon na down na down ka na. Isang tao na mag-a-uplift sayo at sa self-esteem mo. Someone who won't boast about you just because you have healthy boobs and siksik butt, but rather a person who can be proud of your strength from the inside. Sana makahanap ka nga nung tao na will make you feel like you are a better person each day.

Hanggang kailan mo kaya hihintayin yung nag-iisang tao na yun na hindi ka kayang tiisin kapag nagtatampo ka? Nasaan na ba yung taong yun na handang ibaba ang ego para sayo, na handang intindihin ka at tanggapin ka sa lahat ng flaws mo?


Sabay kayong titingin sa past hindi para magsisihan, o para magdaingan ng mga pagkakamali, kundi para magrereminisce at pagtawanan yung mga ka-jologsan at kakornyhan niyong dalawa nung nagsisimula pa lang kayo.

Tapos siya din yung taong handang mangarap tungkol sa bahay at lupa, kotse at kung ilan ang magiging anak niyo. Yung tipong siya yung tao na mag-aassure sayo na okay lang ang lahat at kung hindi man maging okay, eh sigurado pa rin na magkasama naman kayong haharap sa mga problema niyo.

Alam mo ba kung paano mo mahahanap yung tao na yun? Kase ako na-figure out ko. Alam kong iniisip mo habang binabasa mo tong lahat eh parang napaka-perfect naman yata ng mga standard na sinasabi ko, at napaka-imposibleh naman kase we all known na wala namang perfect guy sa mundo.

Pero alam mo ang totoo? Wag ka magluto ng instant mami, mag-luto ka ng Bulalo!

Wag ka maghanap ng perpektong relasyon, because you will never find one. Hindi kabod eh mahahanap mo yung isang tao na gagawin ang lahat ng pinagsasabi ko sa taas. Instead, build a truthful relationship with the person you've found. We shouldn't be looking for a perfect guy or lover, yung tipong lalagyan mo lang ng mainit na tubig, wait for 3 mins, luto na. But we should take time to get to know a person and simmer a true relationship with that person, or better yet, build-up a relationship na tipong mag-best friend na.

Kaya nga siguro mali kapag sinasabi ng tao na sinuwerte ako sa pag-ibig, na sinuwerte ako kay Mayk. Ano? Wala akong participation? Si Mayk lang talaga nag-taguyod sa relasyon namin? Ganun na lang yun?

Imposibleh namang di kame nag-away within that 8 years, imposibleh namang napaka-perpekto ng relasyon namin, imposibleh naman na walang naging conflict. Nagkataon lang siguro na handa lang talaga kameng dalawa na makilala, intindihin, patawarin at tanggapin ang isa't isa throughout that 8 years we've been together. Yung tipong mga pagkakataon na ma-aappreciate mo yung mga akala mo walang kwentang quotes na, "It takes TWO to TANGO!" Lol.

Okay, ang dami ko ng nalalaman. Tapusin na natin ang kalokohan na toh. K bye.